ერთაოზა განვითარების ახალ ეტაპზეა

ძალიან დიდი მოთხოვნიდან გამომდინარე ჩვენი სტარტ-აპი დაუღალავი შრომით ცდილობს, რაც შეიძლება მალე დააკმაყოფილოს ჩვენი მომხმარებლების მოლოდინი და მეტიც, გადააჭარბოს მას. ამჟამად უკვე სატესტო ვერსია გაშვებულია და მიმდინარეობს აპლიკაციის დახვეწის პროცესი, ამაში ძალიან გვეხმარება თავად ტესტრების ჩართულობა და მათი შეფასებების მოსმენა.

ერთაოზა ჩვენი გუნდის ერთ-ერთი უმნიშვნელოვანესი პროექტია, მაგრამ არა ერთი. სოციალური მედიის საშუალებით ჩვენ მოგვეცა საშუალება გვეპოვნა პროექტისთვის დამხმარე ძალა, რისი მეშვეობითაც შევძლებთ გავხადოთ პროდუქტი ერთ-ერთი საუკეთესო და მაღალკონკურენტუნარიანი ბაზარზე.

მოგეხსენებათ, ჩვენი ალფა ვერსია თავდაპირველად შეიქმნა ანდროიდ მოწყობილობებზე მხარდაჭერით, მაგრამ გვაქვს სასიხარულო სიახლე ერთაოზა უკვე გაიშვა კროსს პლატფორმაზე. ეს ნიშნავს, რომ სულ მალე ნებისმიერი მოწყობილობის საშუალებით შეგეძლებათ გადმოტვირთოთ ჩვენი აპლიკაცია და გამოიყენოთ ყოველდღიურ რეჟიმში.

ასევე, აღსაღნიშნავია, რომ აქტიურად ვმუშაობთ “ჩასძახე” მოწყობილობაზე, რომელიც დაგეხმარებათ ჭკვიანი სახლის მართვაში და არა მხოლოდ. ჩვენი მიზანია, რომ მაქსიმალურად მოვარგოთ დახვეწილი დიზაინი ჩვენს პროდუქტს. მოგეხსნებათ, ბაზარზე მსგავსი ტიპის მოწყობილობები არც ისე ხელმისაწვდომია. ჩვენ ვცდილობთ, პირველ რიგში ქართველ მომხარებელს მივაწოდოთ ჩვენი მოწყობილობა მაქსიმალურად მისაღებ ფასად.

პროექტ ერთაოზაზე მუშაობა მიმდინარეობს უკვე წელიწადზე მეტია. მსგავსი პროდუქტის შესაქმნელად ნებისმიერ სხვა კონკურენტ კომპანიას ბევრად მეტი დრო და რესურსები დასჭირდა, დახვეწის პროცესი კი უფრო ხანგრძლივი იყო. ჩვენი მიზანია მათგან განსხვავებით, რაც შეიძლება უახლოეს მომავალში ჩავუშვათ ერთაოზა და არცერთი მომხარებელი არ დავტოვოთ უკმაყოფილო.

ჩვენი ძალიან დიდი სურვილია აპლიკაცია იყოს შშმ პირებზე მაქსიმალურად ადაპტირებული და ამ მხრივაც მიმდინარეობს ტესტირება, რათა ყველანაირი შესაძლო კომფორტი შევუქმნათ მათ.

პროექტის განვითარებაში ძალიან დიდი როლი უკავია re:invent-ის ჰოლდინგს. რისთვისაც ძალიან დიდ მადლობას ვუხდით პავლე მგელაძეს და მის გუნდს.