პირველი ქართული ხმოვანი ასისტენტის შესახებ დაიწერა გამომცემლობა “Entrepreneur”-შიც. სტატიაში საუბარია “ერთაოზას” პროდუქტზებზე და მის შესაძლებლობებზე. ჩვენ შევქმენით ჩვენი საკუთარი ხმის ამოცნობის და ხმის გენერატორის ტექნოლოგია, რომელიც არის უნიკალური. ასევე, აქტიურად ვმუშაობთ ჩვენს ხელოვნური ინტელექტის მოდულზე, რომელიც სამომავლოდ დაინერგება, როგორც ხმოვან ასისტენტში, ამავდროულად ქოლ ცენტრებში და დახარისხდება კატეგორიების მიხედვით. ჩვენი მიზანია, მოვახდინოთ მარტივი პროცესების ავტომატიზაცია და ავამაღლოთ მომხმარებლის გამოცდილება, მონაცემთა ბაზების ინოვაციური ტექნოლოგიური ინტეგრაციებით. გამომდინარე იქიდან, რომ ხმოვან ასისტენტებზე მოთხოვნა მაღალია, ვცდილობთ მაქსიმალურად დავხვეწოთ ჩვენი ტექნლოგია და ისე მივაწოდოთ მომხმარებელს. უკვე, მიმდინარეობს აქტიური მოლაპარაკებები დიდ კომპანიებთან საქართველოში ჩვენი ტექნოლოგიის დანერგვაზე. ძალიან მალე იქნება მასშტაბურად ხელმისაწვდომი და დაეხმარება თითქმის ყველა ადამიანს, ჩვენი სერვისებით გავუმარტივებთ ყველას ყოველდღიურ პროცესებს, რაც მოიცავს მოლოდინის რეჟიმის შემცირებას და ახალ ტექნოლოგიებზე ხელმისაწვდომობას.